सुस्तायो घरजग्गा कारोबार, राजस्व संकलन साढे ८ अर्बले घट्यो

सुस्तायो घरजग्गा कारोबार, राजस्व संकलन साढे ८ अर्बले घट्यो thumbnail
View

काठमाडौं, ७ असार । कोभिड–१९ महामारीको असर घरजग्गा कारोबारमा पनि परेको छ । महामारीको प्रकोप बढेसँगै अघिल्ला महिनाको तुलनामा घरजग्गा कारोबार प्रभावित भएका छन् ।

महामारीले अरु सबैजसो क्षेत्र आक्रान्त भएका बेला घरजग्गा कारोबार पनि शिथिल बन्न पुगेको हो। कोभिड–१९ महामारीबाट सिर्जित अन्यौल र न्यून आर्थिक गतिविधिका कारण घरजग्गा कारोबार नाटकीय रुपमा धरासायी बनेको तथ्यांकले देखाएको छ ।

मानिसहरु संक्रमणबाट बच्न शारीरिक दूरी राख्ने लगायत सावधानी अपनाइरहेले घरजग्गा किनबेचको असर पुगेको व्यवसायीको दाबी छ ।

कोभिड १९ का कारण कारोबार घटेसँगै जग्गाको मूल्य समेत स्थिर रहेको छ । चैतसम्म हरेक महिना नयाँ रेकर्ड कायम गर्दै आएको घरजग्गा कारोबार बैशाखमा ५० प्रतिशतले घटेको थियो ।

भूमि व्यवस्था तथा अभिलेख विभागको तथ्यांक अनुसार चैतमा ८७ हजार १८७ घरजग्गा किनबेच भएको थियो । बैशाखमा आउँदा यो संख्या घटेर ४३ हजार ३९० मा सिमित भएको थियो । जेठमा आइपुग्दा कुल १ हजार ४ सय ९५ वटामै खुम्चिएको विभागले जनाएको छ।

झापा जिल्लामा मात्रै १० हजार बढी कारोबार भएको देखिन्छ। घरजग्गाको बढी कारोबार हुने जिल्लामा ५ हजार आसपास भएका छन्।

जेठ महिनामा बढी कारोबार हुने मालपोत कार्यालय बाराको कलैयामा ३ सय ८७ वटा कारोबार भएका थिए। जेठ महिनामा अपार्टमेन्टसम्बन्धी कारोबार र जग्गा दर्ता कारोबार शून्य रहेको विभागको तथ्यांकले देखाएको छ।

जस अनुसार जेठ महिनामा घरजग्गा कारोबारबाट जम्मा २ करोड ७२ लाख रुपैयाँ मात्र राजस्व उठेको छ। चालू आर्थिक वर्षको चैतमा ८ अर्ब ५९ करोड राजस्व उठेको थियो। बैशाखमा मुलुकभरका मालपोत कार्यालयबाट ४ अर्ब २९ करोड ६५ लाख रुपैयाँ राजस्व संकलन भएको थियो ।

उक्त राजस्व सेवा कर, रजिष्ट्रेसन दस्तुर, पुँजी